کراچی میں جبری گمشدگی کے خلاف لواحقین نے عیدالاضحیٰ کے پہلے روز کو کراچی پریس کلب کے سامنے احتجاجی مظاہرہ کرنے کا اعلان کرکے تمام تمام مکتبہ فکر سے تعلق رکھنے والے افراد اور انسانی حقوق کی تظیموں کے رہنماؤں اور کارکنان کو احتجاجی مظاہرے میں شرکت کرنے کی اپیل کی ہے۔
لواحقین نے ویڈیوز پیغامات جاری کرتے ہوئے کہا کہ ان کے پیاروں کی گمشدگی کی وجہ سے وہ عید نہیں مناسکتے ہیں۔ کیونکہ وہ انتہائی اعصابی اور مالی مشکلات سے گزر رہے ہیں۔ جس کی وجہ سے عید منانا ممکن نہیں ہے۔
لواحقین نے عوام سے اپیل کی وہ احتجاج میں بھرپور شرکت کرکے ان کے پیاروں کی بازیابی میں ان کا ساتھ دیں۔
کراچی میں لاپتہ ہونے والے کے لواحقین نے اپنے پیاروں کی بازیابی کا مطالبہ کیا۔
بلوچ یکجہتی کمیٹی کراچی اور وائس فار بلوچ مسنگ پرسنز نے عید کے روز کراچی پریس کلب کے باہر لاپتہ افراد کے لواحقین کی جانب سے ہونے والے احتجاجی مظاہرے کی حمایت کی۔ اور لوگوں سے زیادہ سے زیادہ شرکت کرنے کی بھی اپیل کی۔
واضع رہے کہ کراچی پریس کلب کے سامنے لاپتہ افراد لواحقین کی احتجاجی کیمپ گذشتہ 14دنوں سے جاری ہے۔