بیار ئِے یا ھُدا دیدارے کناں
رپت ءُ شُت کجا دیدارے کناں
دل بُریں زھیر نیل اَنت نندگ ءَ
واتر بیت پد ءَ دیدارے کناں
گرانیں گوں گماں نادراہ بوتگ آں
درداں نیست دَوا دیدارے کناں
جیڑاں گوں ھیالاں دائم سُچ آں
چوں بوتگ جُتا دیدارے کناں
دیوان پرشتگ اَنت پُرمھریں تئی
بیار اِت کسہ ءَ دیدارے کناں
راج ءِ بنت نمیران دائم شھید
ھست اَنت پہ وت ءَ دیدارے کناں
شیردل زندگاں ھون ءِ مَلپداں
ارس اَنت مے دل ءَ دیدارے کناں