بولان کے مختلف علاقوں میں عید کے روز پاکستان فوجی آپریشن کا سلسلہ جاری ہے۔ آپریشن میں زمینی فوج سمیت گن شپ ہیلی کاپٹر حصہ لے رہے ہیں۔
فوجی آپریشن بزگر، جالڑی اور شاہرگ کے گردونواح میں کی جارہی ہے۔ ذرائع کے مطابق علی الصبح گن شپ ہیلی کاپٹروں نے مختلف مقامات پر شیلنگ کی جس کے بعد ہیلی کاپٹروں کے ذریعے فوج اتاری گئی جبکہ فوج کے گاڑیوں کے قافلوں کو بھی مذکورہ علاقوں کی جانب جاتے ہوئے دیکھا گیا ہے۔
بزگر، جالڑی اور گردنواح میں آباد لوگ بنیادی طور پر مالداری سے وابسطہ ہیں۔جاری آپریشن کی وجہ سے مکمل تفصیلات کا آنا باقی ہے۔