ھون ریتکگ مئے شھیداں پہ وتن
جان داتگ اَنت مئے شھیداں پہ وتن
جی نوابیں اکبر ءَ
سر وتی پیرا سری
پہ وتن کربان کتگ
مشکے ءِ شیھو یلیں
کَندگ ءُ بچکندگ ءَ سرکنت پیگاماں وتی
جان الی مئے گوھر اِنت
پہ وتن شیدا گنوک
تیراں امبازیت دل ءَ
واھگاں گوں لیب کنت
زند ءَ بس کربان کنت
گیرت ءُ ننگ ءَ مر اَنت
سرمچاریں سر مچنڈ
گیرتانی پاسبان
لج ءُ ننگانی مزار
تیر سمب اَنت سینگ ءَ
ھونءَ ریچ اَنت وشبوھیں
پہ وتن ھیرات بنت
پہ وتن کربان بنت
چش کہ درویش بابا جان
چش جمیل ءُ تارک ءَ
چش نسار جان ءُ تلار
کنگریں کوھی مزار
آسپ ءُ مکتار جان
ھو گلام مھمد منی
ھچ وڑ ءَ ھچ بوت نکنت
کس گوں تو ھم دروری
جی پہ شیرل جی پہ میرل
جی ترا لالا منیر
گپ ءُ گال تئی یاد بنت
سنگر ءَ سنگر گراں
یک پہ یک ءَ دژمن ءَ من شمئے بیر ءَ گراں
من وتی مٹ ءَ براں
جزماں زاناں سَدَک آں
یک پہ یک بیراں گراں
راجی رھشون اسلم ءِ
پکر ریھان آجویی
جوش ءُ جزبہ چاکر ءِ
سھود ءِ واھگ اسگر ئے
مرگ ھچے نہ اِنت پہ من
ھچ نترساں چہ ترا
پہ شھیدی من زراں
پہ وتن کربان باں
چش ھمید ءَ درنج من ءَ
ھو بکش پاھو بدے
شر بزان الم ببو
کامریڈ ءِ پکراں من
ھو بلوچستاناں من
من اوں یک منانے آں
من پداں باں اسملے
ھالد ءُ دلجانان من
کمبر ءُ الیاساں من
پہ ترا یک آسے آں
پہ وتن الماسے آں
نیتاں شومیں وتی
گوں وتارا کل بکن
تو بلوچستان نہ گپت
دار وت ءَ پنچاپ روت
جزماں شیھک سرپداں
ھو شپ ءَ تئی واب روت
ھو شپ ءَ تئی واب روت
مُچ شھیدانی نام ءَ – شیھک شاہ
