گلزمین شات ِانت پہ وش اتکءَ وتن کندان ِانت
بانڈی زھگے شھیدانی گسءَ مھمان ِانت
،،بیر سد سالءَ چو آھوگءَدودنتانءَ ِانت،،
ساہ قولانی فدا بنت اے بلوچستان ِانت
ملیں دوداءِ شھیدیءَ نہ جیڑیت سمی
اھدءِ بیبگرےءَ بالاچ تیراں سوھان ِانت
شالا آجوئی ءِ روچانی مراداں بات ئے
چینچو سر ھاترا ھاکءِ پہ تئی کربان ِانت
ھالوآں چست کن ِات میتءَ راجی پہ شرپ
ساوڑءِ براہ ِانت ءُ شھکوریں نہنگءِ شان ِانت
سوب پہ تراولیں پادانی پداں بیت کولیگ
ساھیجی ِانت پھر کسی ، ستک کسی بولان ِانت
ھر ھمک ھندءَ یلاں ھون رگامءَ گورتگ
چو بہارءَ ایں پما بلّے وتن ویران ِانت
